Um félagið

Knattspyrnufélag Rangæinga var stofnað 1997 með það að markmiði að styrkja
möguleika til knattspyrnuiðkunar í Rangárvallasýslu. Félagið heldur úti æfingum fyrir
yngri flokka auk þess sem meistaraflokkur félagsins hefur leikið á Íslandsmóti, nú
síðasta sumar í 3 deild.

Um 160 iðkendur eru nú hjá KFR, nokkuð mismargir eftir flokkum, flestir í yngri
flokkunum en því miður fækkar iðkendum talsvert þegar komið er í efstu flokka,
sérstaklega 3 og 2 flokk.

Vel hefur þó gengið og m.a. hefur félagið skilað inn landsliðskonum, nú þegar eru
tvær í A-landsliðinu sem komið hafa upp í gegn um yngri flokka starf félagsins og fleiri
banka á dyrnar. Einnig hafa iðkendur skilað sér í yngri landslið Íslands en ávinningur
starfsins fellst þó fyrst og fremst í öflugu æskulýðs- og forvarnarstarfi.

Félagið nýtur öflugs stuðnings ýmissa aðila, sérstaklega Rangárþings ytra og
Rangárþings eystra, bæði í formi aðstöðu og einnig með beinum fjárstuðningi. Því
getur félagið haldið æfingagjöldum lágum, sé miðað við sambærilega starfsemi hjá
öðrum knattspyrnufélögum og lögð er áhersla á að hafa menntaða þjálfara. Eftir sem
áður sækist félagið og/eða einstakir flokkar í allar fjáraflanir og gott er að koma
upplýsingum til stjórnar um mögulegar fjáraflanir sem hentað geta einstökum
flokkum.

Æfinga- og félagsaðstaða.
Knattspyrnufélag Rangæinga er með æfingaaðstöðu á Hvolsvelli, Hellu og á Laugalandi. Þar
eru íþróttahús og sparkvellir. Gras- og keppnisvellir eru á Hvolsvelli og á Hellu.

Æfinga- og keppnisaðstaða.
Félagið er í samstarfi við ÍBV og leikur sína heimaleiki bæði í Vestmannaeyjum, Hvolsvelli
og á Hellu.